Ommaviy oferta

Oxirgi yangilanish: 15-oktabr, 2026

Ushbu hujjat Karvon Ai xizmatlarini (obuna va kredit paketlari) sotib olish shartlarini belgilaydi. Toʻlovni amalga oshirish bilan siz quyidagi shartlarni toʻliq qabul qilasiz (aksept).

1. 01Taraflar

   • Ijrochi: yakka tartibdagi tadbirkor [F.I.Sh.], STIR [...], manzil [...] (keyingi oʻrinlarda — «Ijrochi»).
   • Buyurtmachi: karvonai.com saytida yoki Karvon Ai ilovalarida roʻyxatdan oʻtgan va toʻlov qilgan har qanday shaxs.
   • Oferta Oʻzbekiston Respublikasi Fuqarolik kodeksiga muvofiq ommaviy taklif hisoblanadi.

2. 02Atamalar

   • Xizmat — Karvon Ai platformasida AI modellaridan foydalanish imkoniyati.
   • Kredit — xizmatdan foydalanish hisob birligi; har bir soʻrov modelning haqiqiy narxiga qarab kredit sarflaydi.
   • Obuna — oylik kredit beradigan tarif (Basic, Pro, Max). Paket — bir martalik kredit, oy oxirida yonmaydi.
   • Buyurtma — tanlangan tarif yoki paket uchun toʻlov soʻrovi.

3. 03Narxlar

   • Narxlar saytda AQSh dollarida koʻrsatiladi. Soʻmda toʻlashda summa buyurtma yaratilgan paytdagi kurs boʻyicha qayd etiladi va 24 soat amal qiladi.
   • Narxga QQS kiritilmagan (QQSsiz): Ijrochi aylanma soliq toʻlovchisi.
   • Toʻlov tizimlarining komissiyasi narxga qoʻshilmaydi.

4. 04Toʻlov

   • Toʻlov Payme, Click, Uzum Bank, Stripe orqali yoki kartaga oʻtkazma bilan qabul qilinadi.
   • Xizmat toʻlov tasdiqlangan zahoti avtomatik yoqiladi (kartaga oʻtkazmada — administrator tekshirgandan keyin).
   • Elektron chek toʻlov tizimi orqali beriladi.

5. 05Avtomatik yangilash

   • Buyurtmachi oʻz xohishi bilan avtomatik yangilashni yoqishi mumkin: obuna tugashidan oldin saqlangan kartadan keyingi oy uchun yechiladi.
   • Yechishdan oldin ilovada ogohlantirish beriladi. Avtomatik yangilash Sozlamalarda istalgan payt oʻchiriladi.
   • Karta maʼlumotlari Ijrochi serverida saqlanmaydi — faqat toʻlov tizimi bergan token.

6. 06Xizmatdan foydalanish

   Xizmatdan foydalanish qoidalari «Foydalanish shartlari» va «Maxfiylik siyosati» hujjatlarida belgilangan va ushbu ofertaning ajralmas qismi hisoblanadi.

7. 07Pul qaytarish

   Toʻlovdan keyin 3 kun ichida, kreditlar ishlatilmagan boʻlsa, pul qaytariladi. Batafsil — «Pul qaytarish shartlari» sahifasida.

8. 08Javobgarlik

   • AI modellari javoblari xato boʻlishi mumkin; Buyurtmachi ularni oʻzi tekshiradi.
   • Uchinchi tomon provayderlarining (AI modellar, toʻlov tizimlari) uzilishlari uchun Ijrochi javobgar emas, lekin ularni tez tiklashga harakat qiladi.

9. 09Nizolar va rekvizitlar

   • Nizolar muzokara yoʻli bilan, kelishilmasa — Oʻzbekiston Respublikasi qonunchiligiga muvofiq hal qilinadi.
   • Ijrochi rekvizitlari: [...] (bank, hisob raqami, MFO — keyin toʻldiriladi).

Pul qaytarish shartlari →