Maxfiylik siyosati

Oxirgi yangilanish: 15-oktabr, 2026

Karvon Ai (karvonai.com) — bir nechta AI modellar bilan bitta joyda ishlash xizmati. Bu yerda qanday maʼlumotlarni saqlashimiz, nima uchun va ular bilan nima qilishingiz mumkinligi oddiy tilda yozilgan.

1. 01Qanday maʼlumotlarni saqlaymiz

   • Hisob: email manzilingiz va parolingiz (parol ochiq holda emas, faqat xesh koʻrinishida saqlanadi), ixtiyoriy ism va taxallus.
   • Suhbatlar: yuborgan xabarlaringiz, AI javoblari va yaratilgan rasmlar.
   • Sozlamalar: mavzu, til, shaxsiy koʻrsatmalar va shunga oʻxshash tanlovlar.
   • Siz ulagan API kalitlar — shifrlangan holda (pastga qarang).
   • Foydalanish yozuvlari: qaysi model ishlatilgani, tokenlar soni, sarflangan kreditlar va vaqt.
   • Toʻlov buyurtmalari: tarif yoki paket, summa va holat (karta raqamingizni saqlamaymiz).
   • Texnik maʼlumotlar: IP manzil — faqat xavfsizlik cheklovlari uchun (masalan, parolni koʻp marta notoʻgʻri terishdan himoya).

2. 02Nima uchun ishlatamiz

   Xizmatni koʻrsatish (suhbatlar tarixi, sozlamalar), kreditlarni hisoblash, toʻlovlarni tasdiqlash, suisteʼmol va hujumlardan himoya qilish va texnik muammolarni tuzatish uchun. Reklama uchun ishlatmaymiz va maʼlumotlaringizni sotmaymiz.

3. 03AI provayderlarga nima yuboriladi

   Javob olish uchun xabaringiz (va suhbatning kerakli qismi) siz tanlagan modelning provayderiga yuboriladi: Anthropic (Claude), DeepSeek, Google (Gemini), OpenAI yoki OpenRouter va u orqali ishlaydigan provayderlar. Ular soʻrovni oʻz maxfiylik qoidalari asosida qayta ishlaydi.

4. 04Bepul modellar

   Bepul modellar (OpenRouter orqali) provayderlari soʻrovlaringizni saqlashi va modellarni oʻqitish uchun ishlatishi mumkin. Shuning uchun birinchi bepul soʻrovdan oldin rozilik soʻraymiz. Bepul modellarga shaxsiy yoki maxfiy maʼlumot yubormang.

5. 05API kalitlaringiz (BYOK)

   Oʻz API kalitingizni ulasangiz, u serverda shifrlangan holda saqlanadi va faqat sizning soʻrovlaringizni oʻsha provayderga yuborish uchun ishlatiladi. Kalitni istalgan payt Sozlamalarda oʻchirishingiz mumkin.

6. 06Cookie va brauzer xotirasi

   Kirish uchun bitta sessiya cookie’si ishlatiladi (JavaScript uni oʻqiy olmaydi). Mavzu, til va qoralama kabi qulayliklar brauzeringiz xotirasida (localStorage) saqlanadi. Reklama yoki kuzatuv cookie’lari yoʻq.

7. 07Desktop ilova va agent

   Agent rejimida fayllar sizning kompyuteringizda, faqat siz tanlagan papka ichida oʻqiladi. Agent oʻqigan matn suhbat qismi sifatida AI modelga yuborilishi mumkin. Faylga yozish va buyruq bajarish uchun har safar sizdan ruxsat soʻraladi.

8. 08Sizning huquqlaringiz

   Sozlamalar → Maxfiylik boʻlimida barcha suhbatlar va sozlamalarni JSON faylda yuklab olishingiz hamda hisobni oʻchirishingiz mumkin. Hisob oʻchirilganda suhbatlar, rasmlar, kalitlar va sozlamalar oʻchadi. Toʻlov va foydalanish yozuvlari hisobot uchun hisobingizga bogʻlanmagan holda qoladi.

9. 09Oʻzgarishlar

   Xizmat rivojlangani sari bu siyosat yangilanishi mumkin. Muhim oʻzgarishlar haqida saytda xabar beramiz; yangilanish sanasi sahifa boshida koʻrsatiladi.

Foydalanish shartlari →